Rusiya Azərbaycanla bağlı yeni layihələr hazırlayır

“Biz ərzaq bazarlarında mövcud natarazlığı aradan qaldırmalıyıq”

Rusiya Azərbaycan ilə bərabər meyvə və tərəvəz istehsalatlarına dair yeni layihələr hazırlayır.

Bunu RBK telekanalının jurnalistinə RF İqtisadi İnkişaf naziri Aleksey Ulyukayev bildirib.

“Biz hal-hazırda bir sıra dövlətlər – Türkiyə, Azərbaycan ilə meyvə və tərəvəz istehsalına, o cümlədən lojistik zəncirlərin, anbarların yaradılmasına dair layihələr hazırlayırıq, bu problemi həll etməyə çalışacayıq. Biz ərzaq bazarlarında mövcud natarazlığı aradan qaldırmalıyıq. Bununla da indiyə qədər idxal etmədiyimiz ölkələrdən əlavə idxala başlamalıyıq”, - nazir bildirib.

Qeyd edək ki, Rusiya prezidenti Vladimir Putin avqustun 6-da, bəzi kənd təsərrüfatı mallarının, xammal və ərzaqların ölkəyə gətirilməsinin qadağan edilməsi barədə fərman imzalayıb. ABŞ, Avropa İttifaqı, Avstraliya, Kanada və Norveçdən gətirilən tərəvəz, meyvə, donuz əti, balıq, süd məhsullarının idxalı bir illik qadağan edilib. Bir müddət öncə Kənd Təsərrüfatı Nazirliyinin rəhbəri Nikolay Fedorov bəyan edib ki, Azərbaycan, Özbəkistan, Ermənistan, Tacikistan, qismən də Qırğızıstan Rusiyaya meyvə və tərəvəz idxalının perspektiv ölkələri sırasına daxildir.

Rusiya Azərbaycanın MDB-də əsas ticari partnyorlarındandır, eləcə də AR ixrac-ölkələr sırasında birinci yeri durur. AR Dövlət Gömrük Komitəsinin məlumatına görə, 2013-cü ildə ölkələr arasında əmtəə dövriyyəsi 2 583 milyon 022,85 min dollar olub, 2014-cü ilin birinci yarım ilində 922 milyon 740,51 min dollar olub./Oxu.az/

Ölkə.Az