Azərbaycanı dəstəklədi, Ermənistana güc dilədi - Avropa rəsmisi

Hər bir ölkənin, o cümlədən Azərbaycanın da özünü və ərazisini müdafiə etmək üçün lazım bildiyi silahları almaq hüququ var.

Ölkə.Az xəbər verir ki, bunu Aİ-nin Cənubi Qafqaz və Gürcüstan böhranı üzrə xüsusi nümayəndəsi Toivo Klaar erməni mediasına  Azərbaycanın silah alışının həcminin durmadan artması ilə bağlı sualı cavablandırarkən deyib.

“Bu mənim sadə cavabımdır. Dünyanın əksər ölkələri öz ərazilərini qorumaq üçün xaricdən silah alırlar. Deməli, bu mənada bunda xüsusi və ya yanlış heç nə yoxdur”, - deyə Avropa rəsmisi davam edib.

Rəsmi Bakının Avropa İttifaqını Ermənistanı silahlandırmaqla bağlı narahatlığını və buna görə tənqid etməsinə cavab verən Klaar deyib ki, o, Ermənistan hökumətinin Avropa İttifaqı ilə əlaqələrin genişləndirilməsində maraqlı olmasını alqışlayır: “Biz Avropa İttifaqı üçün yaxşı tərəfdaş və qonşuları, o cümlədən Azərbaycan üçün də eyni dərəcədə yaxşı tərəfdaş olacaq güclü, özünə güvənən Ermənistana sahib olmaq istəyirik”.

Mürtəza
Ölkə.Az