Tehranda parlament binası qarşısında atışma olub
Tehranda İslam Parlamentinin binası qarşısında silahlı şəxs atəş açıb və dərhal təhlükəsizlik qüvvələri tərəfindən həbs edilib.
Ölkə.Az xəbər verir ki, Tehran polisinə İslam Parlamentinin yanındakı “Şəfa Yəhyayan” xəstəxanası qarşısında atışma ilə bağlı həyəcan siqnalı daxil olub.
Hadisə yerinə gələn hüquq-mühafizə orqanlarının əməkdaşları atəş açan şəxsi dərhal zərərsizləşdirərək həbs ediblər. Həmin şəxsin üzərindən ov tüfəngi aşkar edilib.
Polis komandanlığının məlumat mərkəzindən də bildirilib ki, hadisə nəticəsində vətəndaşlardan xəsarət alan olmayıb.
Hadisənin səbəbləri və həbs edilən şəxsin motivləri ilə bağlı araşdırmalara başlanılıb.
Mürtəza
Ölkə.Az
