"Pusqu"dakı "Gürzə"nin inanılmaz məziyyəti - Son dəfə görənlər artıq həyatda yoxdur

Beynəlxalq məsələlər üzrə ekspert Əziz Əlibəyli "Kobra" xüsusi təyinatlı dəstələrində xidmət etdiyi günlərlə bağlı xatirələrini bölüşüb.

Ölkə.Az-ın xəbərinə görə, o bildirib ki, xüsusi təyinatlı dəstələrinin Vətən müharibəsində əsas tapşırığı "Pusqu" əməliyyatları olub.

"Kobra"da xidmət etdiyim günlər idi. Xızının dağlarla zəngin hissəsində, "satko"nun gedə bildiyi qədər məsafə qət etdikdən sonra düşürüldük. 

Sonra müxtəlif kilometrlər boyunca səpələndik və koordinatları relyef formaları olan məntəqələr üzrə hərəkətə başlamaq haqda əmr aldıq.

Helikopterlər vasitəsilə 50-60 km ərazidə quru yeməklər "suxoy payoklar" bəlli yerlərə atılmışdı, bizdən onu tapmaq tələb edilirdi, yoxsa bütün günü ac qalırdıq, ya da təbiətin mer-meyvəsindən, böcəyindən, ilan-qurbağasından yeməli idik. 

Bordo bərəlilərin təbiətlə qalma savaşı detallarını açmaq istəmirəm, amma vətən savaşında Qarabağı azad edən bu möcüzəvi insanlarla bağlı heç bir normal film, detal, görüntü yoxdur.

Çünki XTD üzvü özünü çəkməz, bunun üzərindən reklam da qurmaz və sadəcə rolunu oynayar, amma onlar ölməz bir sənət əsərinin filmini çəkdikləri üçün mütləq illərə səs salacaq bir ekran əsərində yer almalıdırlar.

Təsadüfən, Xəzər TV-də "Pusqu" adlı sənədli filmin süjetini gördüm. Müdafiə Nazirliyinin xüsusi təyinatlıları ilə birgə  Daxili İşlər Nazirliyinin Daxili Qoşunlarının “Pələng”, “Şahin”, ”Gürzə”, “Bəbir”, “Əqrəb”, ”Kobra”, ”Qartal”, “Canavar” və “Yarasa”  xüsusi təyinatlı dəstələrinin Vətən müharibəsində əsas tapşırığı "Pusqu" əməliyyatları olub.

Bizdə  gözəl bir söz vardı: "Əgər bordoberet geyinirsənsə, hekayəni sən yazarsan. Üçrəngli bayrağı qucaqlayanda və ona səni sarıdıqlarında hekayəni yalnız tanıdıqların bilir".

Səbirsizliklə baxacağım anı gözləyirəm", - deyə o qeyd edib.