Bazardakı yanğında ölən şəxsə görə kompensasiya verilməlidir - AÇIQLAMA

Bu gün paytaxtın Nərimanov rayonu, Dərnəgül şosesində yerləşən “Dərnəgül” taxta bazarında yanğın baş verib.Yanğın zamanı sözügedən bazarda mühafizəçi işləyən 1962-ci il təvəllüdlü Razi Qasımov həyatını itirib.

Sığorta sahəsi üzrə ekspert İlkin İbrahimov “Ölkə.Az” açıqlamasında bildirdi ki, əgər həmin şəxs rəsmi müqavilə ilə çalışıbsa, onun ailəsinə kompensasiya ödənilməlidir:

“İşçi və işəgötürən arasında rəsmi əmək müqaviləsi varsa, bədbəxt hadisələrdən sığortalannma ilə bağlı kompensasiya verilə bilər. Hadisə gecə saatlarında baş verdiyindən, əmək müqaviləsində də iş vaxtı həmin saat aralışında olmalıdır.  Bunun əsasında həyat sığortasını edən şirkət bunu qarşılayacaq”. 

Ekspert əmək müqaviləsi olmadığı halda konpensasiyanın necə veriləcəyindən də danışıb:
“Güman etmirəm ki, burada hər hansı əmək müqaviləsi olsun. Əmək müqaviləsi yoxdursa, həmiş işçinin çalışdığı sahibkar kompensasiyanı ödəməlidir. Bu zaman sahibkara qarşı iddia qaldırıla bilər və məsələ məhkəmə qarşısında mübahisələndirilə bilər”.

Könül
Ölkə.Az