Əsrin casusu \"twitter\"də hesab açdı

Ölkə.az xəbər verir ki, XI əsrin ən məşhur casuslarından biri hesab edilən Edvard Snouden "twitter"də hesab açıb.

ABŞ kəşfiyyatının gizli sənədlərini ortaya çıxaran Snouden bir anda bütün dünyanın gündəmini dəyişmiş və ABŞ-ın dünyada etibarını sarsıtmışdı. Snoudenin üzə çıxardığı məlumatlar hətta ABŞ-ın yaxın müttəfiqləri ilə belə arasını açmış, Vaşinqton haqda bütün dünyada mənfi rəy formalaşdırmışdı.

Hazırda Rusiyada gizlənən Snoudenin "twitter"də açdığı hesab 3 saat ərzində 400 000 istifadəçi tərəfindən izlənməyə alındı.

Snoudenin ilk mesajı belə olub:

"İndi məni eşidə bilirsiniz?"

Daha sonra Snouden yazıb:

"Əvvəllər dövlət üçün çalışırdım, indi isə ictimaiyyət üçün"

Snoudenim özünün isə ilk izləməyə aldığı "twitter" hesabı ABŞ Milli Təhlükəsizlik Agentliyinin "twitter" hesabı olub.

Ölkə.az