Almaniyada müsəlman ailə dramı - 19 yaşlı qızını boğaraq öldürdü
Qız ailənin bəyənmədiyi gənclə sevgi münasibətlərində olub
Ölkə.Az "Daily Mail"a istinadən xəbər verir ki, Almaniyanın Darmştadt şəhərində yaşayan müsəlman ailəsində faciə baş verib.
Pakistandan olan 51 yaşlı Əsədulla Xan 19 yaşlı qızı Laribi polis tərəfindən prezervativ oğurlamasına görə tutulmasından sonra boğaraq öldürüb. O, həyat yoldaşı Şaziya ilə birlikdə qızlarının meyitini geyindirərək əlil arabasında avtomobilə qoyaraq Darmştadt kənarında suya atıblar.
Ata məhkəmə zamanı ağlayaraq öz addımını qızı Laribin onların ailəsinin şərəfinə ləkə gətirməsi ilə izah edib. Atanın sözlərinə görə, qız ailənin bəyənmədiyi gənclə sevgi münasibətlərində olub.
Qətl günü kiçik qız Nida qohumlarıgilə göndərilib. Məhkəmədə isə ölən şəxsin bacısı valideynlərini qəddarlıqda ittiham edib.
Ölkə.Az
