İcra Hakimiyyətindəki yanğının səbəbi bəlli oldu
Ötən gün axşam saatlarında Gədəbəy Rayonu İcra Hakimiyyətinin (RİH) binasının birinci mərtəbəsində baş vermiş yanğının səbəbləri bəlli olub.
Bu barədə İqtisadiyyat.az-a açıqlamasında RİH başçısının birinci müavini Natiq Nağıyev məlumat verib.
Onun sözlərinə görə, yanğına səbəb qısa qapanma olub.Birinci müavin inzibati binaya ciddi fəsadın dəymədiyini qeyd edib:
“Binanın birinci mərtəbəsində qısa qapanma nəticəsində baş verən yanğın nəticəsində tavana ziyan dəyib. Yanğın elə bir ciddi fəsad törətməyib. Dərhal əraziyə FHN-in yanğınsöndürənləri cəlb olunub. Müdaxilələrdən sonra yanğın söndürülüb”.