Ağdərə AXC hakimiyyətindəki məmurların iddiasının qurbanı oldu - Deputat

“Ağdərə rayonu tarixən mövcud olmuş yaşayış məskəni olub. Rusiya ilə Qacarlar arasında müharibə nəticəsində 1828-ci ildə  imzalanan müqavilədən sonra bu əraziyə kütləvi surətdə ermənilər köçürülməyə başlayır. Ermənilərin bu ərazilərə köçürülüməsinin 150 illiyi ilə bağlı Marağa kəndi ərazisində abidə ucaldılıb. Ermənilərin bu ərazilərdə yerləşdirilməsi ilə rayon ilk olaraq Madagiz və Mardakert kimi adlandırılmağa başlayıb”.

Ölkə.Az xəbər verir ki, bunu parlamentin Regional məsələlər komitəsinin iclasında komitə sədri Siyavuş Novruzov deyib.

Onun sözlərinə görə, 1867-ci ildə isə Ağdərə Cavanşir qəzasının tərkibinə daxil edilir. “1921-ci ildə DQMV yaradıldıqda Ağdərə onun tərkibində fəaliyyət göstərib”, - o qeyd edib.

Komitə sədri əlavə edib ki, 1992-ci ildə isə heç bir səbəb olmadan Ağdərə rayonu inzibati rayon kimi ləğv edilərək onun inzibati ərazisi Kəlbəcər, Ağdam və Tərtər rayonu arasında bölüşdürülüb. “2023-cü ilin 19-20 sentyabrında həyata keçirilən antiterror tədbirləri nəticəsində Ağdərə yenidən azad edilib. İndi bu ədalət yenidən bərpa edilir”, - komitə sədri deyib.

Deputat Elman Məmmədov isə bildirib ki, Ağdərə rayonu AXC-Müsavat hakimiyətində olan bəzi yüksəkçinli məmurlarının iddiasının qurbanı olaraq Milli Məclisdə Ağdərə rayonu ləğv edildi. “Həmin məmurların iddiası nəticəsində məsələ Milli Məclisdə müzakirəyə  çıxarılaraq Ağdərənin ləğvi barədə qərar verildi”, - o qeyd edib.

Mürtəza
Ölkə.Az