Əsas məqsəd evdə oturmamağa alışdırmamaqdır - Nazir

Ünvanlı sosial yardımın verilməsinin əsas məqsədi insanları işləməyə stimullaşdırmaq və evdə oturmamağa alışdırmamaqdır.  

Ölkə.Az xəbər verir ki, bunu əmək və əhalinin sosial müdafiə naziri Sahil Babayev Milli Məclisinin Əmək və sosial siyasət komitəsinin bu gün keçirilən iclasında deputatların suallarını cavablandırarkən deyib.

Nazirin sözlərinə görə, əsas prinsip insanları işləsin və işləyən insanlara ünvanlı sosial yardım verək. 

Torpağı olan insanlara ünvanlı sosial  yardımların verilməsinə gəldikdə isə nazir deyib ki, burada məhdudiyyət yoxdur. “Sadəcə, kənd təsərrüfatına yararlı torpağı olan şəxs məşğul insan hesab edilir. Həmin şəxsin VÖEN-i olan sosial sığorta dəyən, lakin az gəlir əldə edən şəxs ünvanlı sosial yardım ala bilər. Bura həyatyanı torpaq sahəsi olan torpaqlar şamil edilmir. 

Təbii ki, bir hektaradək pay torpağı olan torpaqda gəlir gətirmək qeyri-mümkündür. Amma insan məşğul insan kimi qeydiyyatdan keçib, ən az miqdarda sosial sığorta ödənişi edərək ünvanlı sosial yardım ala bilər”, - nazir qeyd edib.

Mürtəza
Ölkə.Az