Ronaldo hakimin onun xeyrinə verdiyi penaltini ləğv etdirdi - VİDEO
Səudiyyə Ərəbistanı futbol çempionatında forma geyinən dünya ulduzu Kriştiano Ronaldo bu dəfə feyr-pley addımı ilə gündəmə gəlib.
Ölkə.Az xəbər verir ki, epizod Asiya Çempionlar Liqası çərçivəsində baş tutan "Əl Nəsr" - "Persepolis" qarşılaşması zamanı qeydə alınıb.
Belə ki, Ronaldo cərimə meydançasında yerə yıxılandan sonra hakim 11 metrlik cərimə nöqtəsini göstərərək penalti təyin edib.
Portuqaliyalı futbolçu isə referiyə yaxınlaşaraq ona qarşı qayda pozuntusunun olmadığını bildirib.
Nəticədə hakim qərarını dəyişib.
Qeyd edək ki, qarşılaşma qolsuz bərabərliklə yekunlaşıb. Qrup mərhələsində Ronaldonun çıxış etdiyi klub isə birinci yerdə qərarlaşıb.
