Hava ilə bağlı etibarlı proqnozlar üç-dördgünlük və ya birhəftəlik olur
“Hava şəraiti ilə bağlı etibarlı proqnozlar üç-dördgünlük və ya birhəftəlik olur”.
Oxu.Az-ın məlumatına görə, bunu ekologiya və təbii sərvətlər nazirinin müavini Umayra Tağıyeva qlobal iqlim dəyişmələri mövzusunda keçirilən dəyirmi masada deyib.
Onun sözlərinə görə, bundan daha uzun müddətə proqnoz barədə nəyisə söyləmək dəqiq deyil:
“Bunu demək ancaq fərziyə ola bilər. Buna görə qış fəsli üçün bütün qurumların hazırlıq işləri aparması təqdirəlayiqdir. Çünki biz görürük ki, gözlənilmədən iqlim dəyişmələri fonunda hava sürprizləri ilə qarşılaşırıq”.
“Noyabr ayında temperaturun normadan yeddi dərəcə yüksək olması gözlənilmirdi. Amma oldu. Buna görə bu il qış fəslində soyuq dövrlər də istisna edilmir. Lakin yaxın həftə, on gün ərzində biz hələ havanın temperaturunun ciddi dərəcədə aşağı düşməsini gözləmirik”, - deyə o qeyd edib.
