Kəşfiyyat rəhbərinin xanımını və əməkdaşlarını zəhərlədilər – Ukraynada şok

Ukrayna Müdafiə Nazirliyinin Baş Kəşfiyyat İdarəsinin rəisi Kirill Budanovun həyat yoldaşını və idarənin bir neçə əməkdaşını zəhərləyiblər.

Ölkə.Az xəbər verir ki, Baş Kəşfiyyat İdarəsinin rəisi Kirill Budanovun həyat yoldaşı Marianna Budanovanın zəhərlənmədən sonra ilkin müalicə kursu başa çatıb. Onunla yanaşı kəşfiyyat idarəsinin daha bir neçə əməkdaşının zəhərlənmə faktı təsdiqlənib.

Ukrayna mediasının yazdığına görə, Budanovun arvadı “çox güman ki, yeməkdən zəhərlənib”. 

Onlara ağır metal zəhərlənməsi diaqnozu qoyulub.

“Bu maddələr heç bir şəkildə gündəlik həyatda və ya hərbi işlərdə istifadə edilmir. Onların olması konkret bir şəxsi zəhərləmək üçün qəsdən cəhd göstərə bilər”, - mənbə açıqlamasında bildirib. 

Qətlə cəhd faktı araşdırılır. 

Mürtəza
Ölkə.Az