Hərbçilərin təhsili ilə bağlı suala aydınlıq gətirildi
“Hərbi qulluqçuların statusu haqqında” və “Əmək pensiyaları haqqında” qanunlarda bir sıra dəyişikliklər müzakirə olunur.
“Ölkə.Az” xəbər verir ki, iqtisadçı deputat Vüqar Bayramov hərbçilərin mülki ali məktəblərdə təhsil ala biləcəkləri ilə bağlı suala aydınlıq gətirib. O bildirib ki, hazırda bir çox ali təhsil müəssisələrində qiyabi təhsilin mövcud olmaması səbəbindən və Silahlı Qüvvələrin peşəkar, bilikli və bacarıqlı hərbi qulluqçularla komplektləşdirilməsi məqsədilə “Hərbi qulluqçuların statusu haqqında” Qanuna müvafiq dəyişikliyin edilməsi təklif olunur:
"Dəyişikliyə əsasən, hərbi qulluqçular müvafiq icra hakimiyyəti oqranının rəsmiləşdirilmiş icazəsi olduqda mülki təhsil müəssisələrində təhsil ala biləcəklər".
Ali təhsil müddətinin ehtiyata buraxılma üçün nəzərdə tutulmuş müddətə daxil edilib-edilməyəcəyi ilə bağlı məsələyə gəlincə millət vəkili deyib ki, zabitlərin həqiqi hərbi xidmət dövründə Azərbaycanın və xarici ölkələrin ali təhsil müəssisələrində təhsilalma müddəti, eləcə də ixtisasartırma, kadrların yenidən hazırlanması, stajkeçmə və kadrların təkmilləşdirilməsi üzrə əlavə təhsil müddəti bir ildən çox olduqda öz arzusu ilə ehtiyata buraxılma üçün nəzərdə tutulmuş 10 il müddətinə daxil edilməyəcək.
Könül
Ölkə.Az