Cef Bezos dağın içində vaxtı 10 min il ölçəcək saat qurur
Dünyanın ən varlı insanlarından biri olan “Amazon” şirkətinin qurucusu və baş direktoru Cef Bezos ABŞ-nin Texas ştatında dağın içində bəşər sivilizasiyası yoxa çıxsa belə, sağ qalacaq saat düzəldir.
Ölkə.Az xarici KİV-ə istinadla xəbər verir ki, 42 milyon dollar xərclənən saat 10 min il vaxtı ölçəcək və ildə bir dəfə işarələyəcək.
Saat 150 metr uzunluğunda olacaq.
Saat astronomik və təqvim qeydləri ilə vaxtı qeyd etmək üçün nəzərdə tutulub və 3,5 milyondan çox unikal zəng ardıcıllığı yaradacaq zəng generatoruna malikdir. Saatın müasir sivilizasiya dövrünün, uzunmüddətli düşüncənin simvolu olacağı gözlənilir və gələcək nəsilləri prosesə cəlb etməyi hədəfləyir.
Qeyd edək ki, bu ideya 1995-ci ildə kompüter alimi və ixtiraçı Denni Hillis tərəfindən irəli sürülüb.
Onun məqsədi növbəti 10.000 il üçün vaxtı bildirəcək bir saat yaratmaq idi. İllərdir davam edən konseptuallaşdırmadan sonra son dizayn tamamlandı və saat hissələrinin yaradılması prosesi başladı.
Mexaniki saat qülləsi Yerin istilik dövrələri ilə işləmək üçün nəzərdə tutulub.
Günay