Heydər Əliyev Mərkəzi FHN-i yalanladı

Heydər Əliyev Mərkəzində yanğın olması barədə xəbər həqiqətə uyğun deyil

"Bayram günləri ilə əlaqədar qeyri-iş günü olduğu nəzərə alınaraq Heydər Əliyev Mərkəzində təlimlər keçirilib"

Heydər Əliyev Mərkəzinin ictimatiyyətlə əlaqələr departamentinin rəhbəri Gülşən Əliyevanın verdiyi məlumata görə, bayram günləri ilə əlaqədar qeyri-iş günü olması nəzərə alınaraq Heydər Əliyev Mərkəzində təlimlər keçirilib. Qrafikə uyğun olaraq iyulun 27 və 28-də fövqəladə hallar və təhlükəsizlik qüvvələrinin təlimi təyin edilib. 

Buna uyğun olaraq da Mərkəzdə təlimlər keçirilib.

Qeyd edək ki yanğın barədə ANSPRESS məlumat yaymışdı. Sayt ilk öncə "Mərkəzin binasında çıxan yanğının söndürülməsinə 10-a yaxın yanğınsöndürmə maşını cəlb olunub" xəbərini yayıb və daha sonra Anspress.com xəbərini yeniləryərək Fövqəladə Hallar Nazirliyinin mətbuat xidmətindən mərkəzin zirzəmisində taxta qırıntıları tüstülənib yanğına səbəb olduğunu xəbərini yayıb.

Sayt daha sonra əlavə edib:

"Bu barədə bizə məlumat daxil olan kimi, yanğınsöndürənlər hadisə yerinə cəlb edildi. Məlum oldu ki, bu yanğın yox, sadəcə binanın zirzəmisində taxta-şalban qırıntılarının tüstülənməsidir. Hazırda tüstülənmənin qarşısı alınıb. Əməkdaşlarımız Heydər Əliyev Mərkəzində növbə çəkirlər".

Anspress.com və FHN-nin yaydığı dezinformasiya həqiqətən anlaşılmazdır. Ümid edirik ki, FHN bu barədə tutarlı bir açıqlama verəcəkdir.

Ölkə.Az