"Altın Kelebek"də mükafat ala bilməyən müğənni köhnə mükafatını atdı - VİDEO/FOTO
Türkiyədə dünən gecə təşkil edilən “Altın Kelebek” mükafat mərasimində mükafat almayan müğənni Reynmenin hərəkəti reaksiya doğurub.
Ölkə.Az xəbər verir ki, o, 2020-ci ildə aldığı “Altın Kelebek” də daxil olmaqla bir neçə mükafatını zibil qutusuna atıb.
Belə ki, mükafata layiq görülməyən müğənni Reynmen etiraz edib. O, instaqram hesabında mükafatını atdığı anı paylaşıb və gülüş emojisi əlavə edib. Qısa müddətdə sosial mediada trendə çevrilən Reynmenin videosu reaksiya doğurub. Bir çox istifadəçi Reynmenin etdiklərini hörmətsizlik kimi qiymətləndirib.
"Hər il ona veriləcəyini gözləyirdimi?" və "Onsuz da buna layiq deyildin" kimi şərhlər qeyd edilib.
Günay
