Ölkənin hər yeddinci vətəndaşı Rusiyada işləyir - Andrey Petrov
Əgər Ermənistan siyasi səbəblərdən KTMT-də iştirak edirdisə, deməli, Azərbaycanla qarşıdurmada bunun ona hansısa hərbi üstünlük verəcəyinə ümid edirdi. Halbuki Ermənistan Avrasiya İttifaqında iştirak etməklə hər gün, hər saat sabit iqtisadi gəlir əldə edir.
Ölkə.Az xəbər verir ki, bunu “Vestnik Kavkaza” informasiya agentliyinin baş redaktoru, Qafqaz üzrə ekspert Andrey Petrov deyib.
“Avrasiya İttifaqı azad bazardır. Bu o deməkdir ki, təşkilata üzv olan ölkələrdən olan istənilən sahibkar öz məhsulunu gömrük rüsumu ödəmədən təşkilata üzv olan digər ölkənin ərazisinə gətirib sata bilər”, - o bildirib.
Petrovun sözlərinə görə, son iki ildə Ermənistandan Rusiyaya ixrac xeyli artıb: “Bununla paralel olaraq Rusiyaya idxal Ermənistandan həyata keçirilir, yəni Rusiyaya qarşı sanksiyalar tətbiq edən ölkələrin məhsulları Ermənistan vasitəsilə Rusiyaya ixrac olunur. Ermənistan bundan xeyli gəlir əldə edir. Ermənistanın hər yeddinci vətəndaşı Rusiyada işləyir ki, bu da 300 min nəfərdir. Avrasiya İttifaqına üzvlük sayəsində Ermənistan vətəndaşları Rusiyanın əmək bazarında özlərini çox rahat hiss edirlər”.
Miri
