Bakıda məşhur məktəbdə ŞOK: kütləvi qızılca iddiası
Paytaxtda, A.Hüseynzadə adına 20 nömrəli məktəb-liseyində bir sinifdə 10 şagird və 1 müəllimin qızılcaya yoluxduğu bildirilir.
Bu barədə yazan BAKU.WS bildirir ki, hadisə sözügedən məktəbin rus bölməsi üzrə 1-ci sinfində qeydə alınıb.
"Sinifdə tədrisin distant təhsilə keçib-keçməyəcəyi ilə bağlı Bakı şəhəri üzrə Təhsil İdarəsinin qərarı gözlənilir", - sayt yazır.
A.Hüseynzadə adına 20 nömrəli məktəb-liseyi bir sinifdə 10 şagird və bir müəllim qızılcaya yoluxması barədə yayılan xəbərlərə münasibət bildirib.
Liseydən bildirilib ki, yayılan məlumatlar doğru deyil:
“Bir sinifdə 10 şagirdin qızılcaya yoluxması haqqında məlumat həqiqətə uyğun deyil. Ümumiyyətlə, məktəb üzrə indiyədək doqquz şagird və bir müəllimin qızılcaya yoluxması (müxtəlif vaxtlarda və ayrı-ayrı siniflər üzrə) qeydə alınıb.
Qeyd edək ki, son günlər ölkədə qızılcaya yoluxma halları artıb.