“Haqqımız çatır, heç kəs təşvişə düşməsin”
Qərbi Azərbaycandan deportasiyaların bir qismi Azərbaycanın bəzi keçmiş rəhbərlərinin razılığı ilə həyata keçib.
Ölkə. Az xəbər verir ki. Bunu Milli Məclisin səhiyyə komitəsinin sədri Əhliman Əmiraslanov parlamentdə Qərbi Azərbaycana qayıdışla bağlı dinləmələr zamanı deyib.
Onun sözlərinə görə, Azərbaycanın bəzi keçmiş rəhbərləri Ermənistanın Qərbi Azərbaycandan deportasiyasına laqeyd yanaşıblar, hətta bir çox hallarda onların razılığı ilə həyata keçib.
“Qərbi Azərbaycana qayıdış ancaq və ancaq İkinci Qarabağ müharibəsində əldə edilən qələbədən sonra reallaşmağa başlayıb. Onadək bizi ancaq torpaqları mənfur düşməndən azad etmək idisə qələbədən sonra qarşımızda duran əsas məqsəd Qərbi Azərbaycan qayıdışdır”, - komitə sədri deyib.
O əlavə edib ki, qayıdış cənab Prezidentin bəyan etdiyi kimi, top-tüfənglə deyil, sülh yolu ilə olmalıdır: “Bizim buna haqqımız çatır. Bu bizim hüququmuzdur. Bizim öz yurdlarımıza qayıdış heç kimi təşvişə salmamalıdır. Məqsəd dinc yolla qayıdıb orada yaşamaqdır və buna nail olcağıq. Necə ki, cənab prezidenti “Dəmir yumruğ”u nəticəsində torpaqlar işğaldan azad edildisə, cənab Prezidentin dəmir iradəsi ilə Qərbi Azərbaycana dönüş baş verəcək və buna əminəm”.
Mürtəza
Ölkə.Az
