Şirkətdən “ağacları kəsiblər” iddiasına REAKSİYA

Dünən sosial şəbəkələrdə Nizami rayonunun Rüstəm Rüstəmov küçəsindəki yaşıllıq zolağında 30-a yaxın zeytun ağacının kəsilməsi ilə bağlı görüntülər yayılmış, bunun “Premium Park” yaşayış kompleksi tərəfindən parkinq yaradılması məqsədilə həyata keçirildiyi iddia edilmişdi.

Daha ətraflı: Parkinqə görə 30-a yaxın ağac kəsilib? – VİDEO

“Premium Park” şirkəti “Ölkə.Az”a açıqlamasında iddiaların həqiqəti əks etdirmədiyini bildirib.

“Bir müddət öncə bəzi sosial şəbəkə səhifələrində ünvanımıza səsləndirilən böhtan xarakterli fikirlərə cavab olaraq bildirmək istərdik ki, sözügedən ərazinin yaşayış kompleksinə heç bir aidiyyəti olmaması ilə yanaşı, şirkətin əməkdaşları tərəfindən orada əkilən ağaclara mütamadi olaraq aqrotexniki qulluq göstərilir. Həmçinin şirkətin hədəflərindən birinin ətraf mühitə töhfə vermək olduğunu nəzərə alaraq, yaşayış kompleksinin daxilində də gələcəkdə ağacların əkilməsi nəzərdə tutulub”, - deyə açıqlamada qeyd olunub.

Könül
Ölkə.Az