ABŞ təyyarəsini \"Taliban\" vurub?

"Taliban" məsuliyyəti üzərinə götürüb

Ölkə.Az xəbər verir ki, "Taliban" terror hərəkatı Əfqanistanda Lockheed C-130 Hercules hərbi-nəqliyyat təyyarəsinin qəzaya uğramasına görə məsuliyyəti üzərinə götürdüyünü bəyan edib.

Taliblər bəyan edib ki, təyyarəni məhz özləri vurublar, ancaq Pentaqon bunu inkar edib.

Xatırladaq ki, Əfqanistanda ABŞ-a məxsus hərbi-nəqliyyat təyyarəsinin qəzaya uğraması nəticəsində 12 nəfər, o cümlədən 5 amerikalı hərbçi dünyasını dəyişib.

Bu barədə məlumat hərbi məmurlar tərəfindən verilib. "Herkules" C-130 nəqliyyat təyyarəsi Cəlalabad limanından saat 23:30-da qalxarkən yerə çırpılıb.

Qəzanın səbəbləri hələlik məlum deyil. Məmurun sözlərinə görə, hadisə yerində düşmən qüvvələrinin fəallığı ilə bağlı heç bir məlumat yox idi.

Rəşid Mustafazadə

Ölkə.Az