"Axır ki, döydülər, qarşıma çıxsa, mən də döyəcəm" - Qalmaqallı olaya reaksiyalar
"Axır ki, döydülər, qarşıma çıxsa, mən də döyəcəm" - Qalmaqallı olaya reaksiyalar
Xəbər verdiyimiz kimi, "Youtube”də çəkdiyi "Qırmızı adam” verilişi ilə məşhurlaşan aparıcı və aktyor Faiq Erol Bakıda restoranlardan birinin qarşısında döyülüb.
Ölkə.Az xəbər verir ki, o, yerli KİV-ə açıqlamasında konfliktin sadəcə yanlış anlaşılma səbəbindən baş verdiyini deyib.
F.Erol bildirib ki, ötən gün "Neftçilər" metrosu ərazisində "Üzünüzdən nə yağır”sualını ünvanladığı kişi əvvəlcə ona cavab versə də, sonradan anlaşmazlıq yaranıb və əlbəyaxa davaya çevrilib.
Maraqlı məqam ondan ibarətdir ki, sosial şəbəkə istifadəçilərinin əksəriyyəti bu hadisədə şiddət göstərən tərəfi dəstəklədiklərini söyləyiblər.
İnsanlar sözügedən videoya “kim vurub əllərinə sağlıq”, “yaxşı olub”, “nəhayət”, “gic-gic suallar verəndə axırı belə olur”, “qabağıma çıxsa, məndə çırpardım”, “qıpqırmızı adam oldu”, “inşallah, polis döyənləri başa düşər” və s. şərhlər yazıblar.
Qeyd edək ki, döyülən şəxs qeyri-etik davranışları və sualları ilə şəhərdə sorğu keçirir.
Konseptə əsasən insanlar ələ salınır, respondentlər cavablarına görə lağ obyekti kimi təqdim olunur.
