Yeni prezidentə butulka atdılar, mühafizəçi yaralandı- Argentinada - FOTO

Argentinanın yeni prezidenti Xavyer Mayli Konqresdə and içdikdən sonra maşınına minərkən ona şüşə butulka atılıb.

Ölkə.Az xəbər verir ki, bu barədə “La Nation” yazır.

Camaatın arasından bir nəfərin atdığı şüşə butulka prezidentin başının bir neçə santimetr kənarından keçərək mühafizəçisinə dəyib. 

Nəticədə mühafizəçi boynundan kəsik yarası alıb. O, dövlət başçısının iqamətgahı olan Kasa Rosadanın həkimləri tərəfindən müalicə olunub.

Polis prezidentə hücum edənin şəxsiyyətini müəyyən edərək onu saxlayıb. Bu, 51 yaşlı Qaston Ariel Mercanzini adlı şəxs olub. Məhkəmə onun həbsinə qərar verib.

Hadisədən bir neçə dəqiqə sonra Mayli qurultaydan iqamətgaha getdiyi maşını saxlamağı və küçəyə toplaşan insanlarla salamlaşmağı xahiş edib. 

Mürtəza
Ölkə.Az