Azərbaycanda yoxsul pensiyaçı yoxdur

Azərbaycanda pensiyaların orta aylıq məbləği pensiyaçılar üçün yoxsulluq həddini az qala 2 dəfə üstələyib. 

Ölkə.Az-ın Fondun ictimaiyyətlə əlaqələr sektoruna istinadən verdiyi məlumata görə, DSMF-nin sədri Elman Mehdiyev 2014-cü ilin altı aylıq yekunları ilə bağlı çıxış edib.

O, çıxışında bildirib kiŞ, bu ilin birinci yarısında Dövlət Sosial Müdafiə Fondunun (DSMF) gəlirlərinin, xüsusilə də qeyri-büdcə daxilolmalarının sürətli artımı öz növbəsində pensiya və müavinətlərin maliyyələşdirilməsinə yönəldilən xərclərin artımına imkan verib.

Fond sədrinin sözlərinə görə, Azərbaycan Respublikası Prezidentinin müvafiq sərəncamına əsasən 2014-cü ilin yanvarın 1-dən bütün növ əmək pensiyalarının sığorta hissəsinə 2,4 faizlik artım (indeksasiya) tətbiq olunub. 

Bu ilin 1 iyul tarixinə əmək pensiyalarının baza məbləği 100 manat, orta aylıq məbləği 172,7 manat, yaşa görə pensiyalar üzrə orta aylıq məbləğ 190,9 manat, əvəzetmə əmsalı 45 faiz təşkil edib. 

Nəticədə pensiyaların orta aylıq məbləği pensiyaçılar üçün yoxsulluq həddini 1,7 dəfə üstələyib.

Ölkə.Az