Bakı ilə İrəvan arasında danışıqlara ev sahibliyi etməyə hazırıq - Rusiya XİN
Mətn ölçüsü:
  • 100%

Bakı ilə İrəvan arasında danışıqlara ev sahibliyi etməyə hazırıq - Rusiya XİN

Rusiya hər zaman Azərbaycan-Ermənistan nizamlanması üzrə danışıqlara ev sahibliyi etməyə hazırdır və ümid edir ki, Bakı və İrəvan müvafiq təklifin aktuallığını nəzərə alacaqlar.

"Ölkə.az" xəbər verir ki, bunu TASS-a Rusiya xarici işlər nazirinin müavini Mixail Qaluzin deyib.

Nazir müavini qeyd edib ki, Moskvada sülh danışıqlarının aparılmasına dair təkliflər Ermənistan və Azərbaycandan olan tərəfdaşlar üçün açıqdır.

O əlavə edib ki, Aİ-nin Ermənistandakı mülki müşahidə missiyasının genişləndirilməsi sülh nizamlanmasına kömək etməyəcək və yalnız Cənubi Qafqazda gərginliyi artıracaq.

M.Qaluzinin sözlərinə görə, Aİ-nin Cənubi Qafqaz siyasəti yalnız Rusiyanı regiondan sıxışdırıb çıxarmağa yönəlib.