Növbədənkənar prezident seçkiləri bu baxımdan mühümdür

“Əldə etdiyi tarixi qələbələr nəticəsində Cənubi Qafqazda geosiyasi reallıqlar yaradan Azərbaycanın qarşısında yeni hədəflər və çağırışlar dayanır ki, həmin məqsədlərə nail olmaq üçün də ölkədə seçkilərin keçirilməsinə ciddi zərurət var. Cənab Prezident də bu amilləri nəzərə alaraq 7 fevral 2024-cü ildə növbədənkənar prezident seçkiləri keçirilməsi barədə sərəncam imzalayıb. İmzalanan bu sərəncam ölkə ictimaiyyəti tərəfindən rəğbətlə qarşılanıb və hazırda seçkiyə hazırlıq prosesi başlanıb”.

Bunu Ölkə.Az-a açıqlamasında deputat Arzu Nağıyev deyib.

Deputat bildirib ki, geosiyasi reallıqların yaratdığı yeni hədəf və çağırışların həlli üçün siyasi sistemin gücləndirilməsinə ehtiyac var: “Cənab Prezident ölkənin davamlı və dayanıqlı inkişafını təmin etmək üçün genişmiqyaslı islahatlar həyata keçirməkdədir. Bugünkü dünyamızda baş verən dəyişkən geosiyasi proseslər ölkə daxilində də zamanın çağırışlarına uyğun olaraq siyasi sistemin daha da gücləndirilməsi məqsədi ilə siyasi islahatların həyata keçirilməsini zəruri edir. Cənab Prezidentin son illərdə həyata keçirdiyi siyasi islahatlar nəticəsində ölkədə siyasi sitemin güclənməsi baxımdan tamamilə yeni siyasi konfiqurasiya yaranıb. Bunun nəticəsidir ki, ölkədə fəaliyyət göstərən siyasi qüvvələr sərgilədiyi siyasi ideoloji xəttdən və mövqedən asılı olmayaraq milli və dövlətçilik maraqları zamanı vahid bir platformadan çıxış etmək ənənəsi formalaşıb. Siyasi münasibətlər sistemi yeni çağırışlar, reallıqlar, həmçinin milli maraqlar əsasında tənzimlənməsi nəinki, ölkənin davamlı inkişafın, siyasi sisteminin güclənməsi baxımdan önəmlidir. Bu, ölkədə milli həmrəyliyin, birliyin daha sıx formada gücləndirilməsi, həmçinin dünyada baş verən geosiyasi proseslər və bunun nəticəsində gözlənilən təhlükə və təhdidlər baxımdan da baxımdan çox mühüm amildir. Biz bunun bariz nümunəsini 44 günlük Vətən müharibəsi zamanı və postmüharibə mərhələsində də gördük. Respublikada fəaliyyət göstərən siyasi partiyaların ölkəmizin ərazi bütövlüyünün təmin olunması məsələsində Prezident, Müzəffər Ali Baş Komandanımızın qətiyyətli siyasətinə birmənalı dəstək göstərmələri milli həmrəyliyin beynəlxalq aləmə nümayişi idi.

2023-cü ilin sentyabrında birgünlük antiterror tədbirləri nəticəsində Azərbaycan bütün ərazisində suveren hüquqlarını bərpa etməsi bölgədə tamamilə yeni bir reallıq yaratmaqla yanaşı, ölkədə siyasi sistemin daha da güclənməsinə yeni baxış tələb edir. Bunun da yolu seçkidən keçir. Bütün bunları nəzərə alan cənab Prezident İlham Əliyev növbədənkənar seçkilərin keçirilməsinə qərar verib. 2024-cü ilin fevralın 7-də keçiriləcək növbədənkənar Prezident seçkiləri Azərbaycanda siyasi sistemin daha da gücləndirilməsinə, bu günədək həyata keçirilən islahatların sürətlə davam etdirilməsinə və qarşıda duran hədəf və çağırışların uğurla icra olunmasına imkan yaradacaq. Bu seçki Azərbaycanın daha da güclü çıxaraq beynəlxalq aləmdə nüfuzunun möhkəmləndirilməsi baxımdan öz töhfəsini verəcək”.

Mürtəza

Ölkə.Az