Yaşar Gülər: "Azərbaycanla sarsılmaz həmrəyliyimizi ən yüksək səviyyəyə qaldıracağıq"

"Azərbaycanla sarsılmaz həmrəyliyimizi ən yüksək səviyyəyə qaldıracağıq".

"Ölkə.az" xəbər verir ki, bunu Türkiyənin milli müdafiə naziri Yaşar Gülər deyib.

Gülər Türkiyənin hər zaman Azərbaycan xalqının haqq işində onun yanında olduğunu vurğulayıb.

“Bu gün bütün Qarabağda dalğalanan şanlı Azərbaycan bayrağından və terror ünsürlərinə qarşı həyata keçirilən antiterror əməliyyatından böyük məmnunluğumuzu bildiririk. Azərbaycan və Ermənistan arasında hərtərəfli və daimi sülh istiqamətində səmimi səyləri dəstəkləyirik və bunun tezliklə müsbət nəticələnməsini arzulayırıq”, - Türkiyənin milli müdafiə naziri deyib.

Gülər ​​bu il Türkiyə Cümhuriyyətinin 100 illiyi və Azərbaycan xalqının Ümummilli Lideri Heydər Əliyevin anadan olmasının 100 illiyi münasibətilə iki ölkənin gücünü və əzmini nümayiş etdirən taktiki “Mustafa Kamal Atatürk-2023” təlimi də daxil olmaqla 14 birgə təlimin keçirildiyini bildirib.