Cəbhədəki vəziyyət türk mətbuatında
Erməni hərbi birləşmələrinin Tovuz rayonu Əlibəyli kəndi istiqamətində atəşkəsi pozması Türkiyə mətbuatının gündəmini zəbt edib.
Ölkə.Az-ın ans press-ə istinadən məlumatına görə Türkiyənin məşhur Doğan Xəbər Agentliyi (DHA) ermənilərin atəşkəsi pozmaları nəticəsində yaralanan mülki insanlar barəsində xəbər yayıb.
Xəbərdə qeyd olunub ki, hadisə nəticəsində 17 yaşlı Fərid Nəbi oğlu Məmmədov və 52 yaşlı Anya Qara qızı Ələkbərova müxtəlif bədən xəsarətləri alıblar.
Qeyd edək ötən gecə erməni hər birləşmələri Tovuz rayonu istiqamətində atəşkəsi intensiv pozublar. Nəticədə mülki insanlara ciddi xəsarət alıb.
Düşmənin kəşfiyyat-təxribat qruplarının iki istiqamətdə təmas xəttini keçməsi cəhdinin qarşısı alınıb.
Ölkə.Az
