Məhkəmə Trampın prezident seçkilərində iştirakını qadağan edib
Kolorado Ali Məhkəməsi ABŞ-nin keçmiş prezidenti Donald Trampın ştatda prezidentliyə namizədliyini irəli sürməsini qadağan edib.
Ölkə.Az CNN-ə istinadən xəbər verir ki, qərar qüvvəyə minərsə, o, Kolorado bülletenində görünməyəcək.
Məhkəmə ABŞ Konstitusiyasının məmurların üsyanda iştirak etdikləri təqdirdə dövlət vəzifələrində işləməsini qadağan edən 14-cü düzəlişinə istinad edərək müvafiq qərarı verib.
Kolorado Ali Məhkəməsinin qərarı 6 yanvar 2021-ci il hadisələrini, cənab Trampın seçkilərdə məğlubiyyətini tanımayan tərəfdarlarının Kapitoliyə hücumunu üsyan kimi tanıyır.
Qeyd edək ki, ABŞ-nin keçmiş prezidenti Donald Trampın komandası Kolorado Ali Məhkəməsinin keçmiş Amerika liderinin yerli seçkilərdə iştirakdan kənarlaşdırılması qərarını səhv hesab edir və bundan apellyasiya şikayəti verəcək.
Mürtəza
Ölkə.Az
