Sevinmək əvəzinə dərdlərindən ölürdülər - Siyavuş Novruzov 

"Prezident İlham Əliyevin hər atdığı addım dünyaya bir mesajdır. Yəni Azərbaycan müstəqil dövlətdir və heç kim onun işinə qarışa bilməz".

Ölkə.Az xəbər verir ki, bunu parlamentin bu gün keçirilən plenar iclasında deputat Siyavuş Novruzov deyib. 

Onun sözlərinə görə, dövlət başçısı artıq Xankəndidə atəş səsi üçün yox, futbol oyunun başlaması üçün komanda verir: “Hansı ki, 30 ildən artıqdır, xalqımız bunu gözləyirdi. Artıq həmin ərazilərdə top, atəş səsləri yox, traktor, kombayn səsləri gəlir və quruculuq işləri gedir”.

O qeyd edib ki, bu cür addımlar atılanda xalqın sevincinin həddi hüdudu olmayan zaman antimilli qüvvələr öz ağalarının tapşırığı ilə müəyyən addımlar atmaqla məşğul olurlar: “Onlar başqa ölkələrə müraciət edərək Azərbaycana qarşı sanksiyaların qəbulunu istəyirlər. Heç Ermənistan parlamentinin nümayəndələri, siyasi partiyaların üzvləri başqa ölkələrə müraciət etmirlər. Futbol oyununa sevinməyən erməni qüvvələri, yaxud dünyada Fransa və digərləridirsə, içimizdə də məhz həmin qüvvələrdir. Sevinmək əvəzinə dərdlərindən ölürdülər. Ona görə də Prezident İlham Əliyevin hər atdığı addım onlara mesajdır ki, Azərbaycan müstəqil dövlətdir”.

Mürtəza
Ölkə.Az