Paşinyan çıxılmaz durumda: Qərb və Rusiyaya inanmır, zəmanət istəyir

2024-cü il Ermənistan üçün elə də uğurlu il olmayacaq, növbəti itkilər və uğrusuzluqların davam etməsi ili olacaq.

Ölkə.Az xəbər verir ki, erməni politoloq Suren Surenyants növbəti 2024-cü ildə Ermənistanla bağlı gözləntilərini açıqlayarkən deyib.

2024-cü ildə Ermənistanda gözlənilən növbədənkənar seçkilərə gəldikdə politoloq deyib ki, Paşinyana bəzi problemləri həll etmək üçün seçki lazımdır: “Növbədənkənar seçki ilə yeni müqavilə imzalamaq barədə mandat əldə etmək.

İkincisi, əgər onun xarici siyasət kursunu dəyişmək istəməsi ilə bağlı ehtimallar doğrudursa, parlamenti bu formata uyğunlaşdırmalıdır.  

Bütün bu və digər amillər onu deməyə əsas verir ki, Paşinyan ən azı növbədənkənar seçkilər üçün belə bir ssenari düşünür. Amma mən çox inanıram ki, onun qəti qərarı yoxdur. Çünki növbədənkənar seçkilərə getmək üçün kənar mərkəzlərdən təminat almalıdır. Ən azı iki növ təminatdan danışırlar. 

Birincisi, onun üçün ideal təminat ondan ibarətdir ki, hansısa kənar mərkəz ona Azərbaycanla sülh  sənədi imzalamağa zəmanət verməlidir. 

İkinci təminat, əgər bu alınmazsa, heç olmasa, Paşinyan öz şəxsi təhlükəsizliyinə təminat verilməklə ölkəni tərk etməyə dair zəmanət alsın. Nə Qərbdən, nə də Rusiyadan bu iki zəmanətin heç birini ala bilmir. Yaxud bu və ya digər səbəbdən inanmadığı bəzi vədlər alır”.

Politoloq onu da əlavə edib ki, Rusiya ilə münasibətlər böhran içindədir və onun həmin zəmanətlərə inanacağını təsəvvür etmək çətindir: “Qərb çox gözəl sözlər deyə bilər, amma Ukrayna ilə bağlı baş verənlər göz qabağındadır. Qərbə şübhə ilə yanaşır. Çünki Ukraynada bu zəmanətlərin işləmədiyini görür. İndi o, Azərbaycandan sülhlə bağlı zəmanət alsın. Onun bu zəmanətləri alıb-almayacağını proqnozlaşdırmaq çətindi. Bunu zaman göstərəcək”.

Mürtəza
Ölkə.Az