Azyaşlı uşaqlar üçün siroplar qadağan edildi - Bu ölkədə
Hindistanda 4 yaşından kiçik uşaqlara soyuqdəymə və öskürək kimi xəstəliklərin müalicəsində istifadə edilən siroplarının verilməsinə qadağa qoyulub.
Ölkə.Az BBC-yə istinadla xəbər verir ki, buna səbəb adı çəkilən ölkədə öskürək siropuna görə çox sayda uşağın dünyasını dəyişməsi olub.
Belə ki, “xlorfeniramin”maleat və fenilefrin qarışığı" sirop və tabletlər 4 yaşa qədər uşaqlar üçün qadağan edilib.
Qeyd edək ki, 2022-ci ildə Qambiya, Özbəkistan, İndoneziya, Kamerun və Hindistan kimi bəzi ölkələrdə Hindistan istehsalı olan öskürək siroplarından içən azı 141 uşaq ölüb.
Hindistanda isə 2019-2020-ci illərdə azı 12 uşağın bu qarışıqları ehtiva edən siropları içdikdən sonra həlak olduğu bildirilir.
Billurə Yunus
