“Prezident seçkilərində şikayətlər çox cüzi olur”
"Seçki prosesi zamanı şikayətlər həm seçicilər, həm də namizədlər tərəfindən ola bilər. Şikayətlərin bəzən ciddi əsaslara söykənmədiyinin şahidi oluruq".
"Qafqazinfo" xəbər verir ki, bu fikirləri Mərkəzi Seçki Komissiyasının sədr müavini Rövzət Qasımov seçki hüququ ilə bağlı müraciətlərə baxılmasına həsr olunan tədbirdə bildirib.
Sədr müavini qeyd edib ki, vətəndaşlar bəzən emosiyalara qapılıb əsassız şikayət edirlər: "Bu şikayətlər hər hansı fərdi emosiyalarından, bəzən də siyasi motivlərdən ibarət olur. Amma bizim əsas məqsədimiz şikayətlərin əsas səbəbini öyrənmək, həlli yolunu tapmaqdır, hər zaman təmkinimizi saxlamalıyıq.
Prezident seçkilərində şikayətlər çox cüzi olur. Çünki bu seçkilər zamanı bütün ölkə ərazisi vahid seçki dairəsi hesab olunur. Prezident seçkiləri ekspert qrupunun iş yükünün ən az olduğu seçkilərdir".
