Bu ölkədə miqrantlarla bağlı yeni qayda: 5300 avro veriləcək

Finlandiya miqrantların öz vətənlərinə könüllü qayıtması ilə bağlı yeni reqlament qəbul edib. 

Ölkə.Az xəbər verir ki, Finlandiyanın Daxili İşlər Nazirliyinin reqlamentinə əsasən, sığınacaq verilməmiş şəxslərə 30 gün ərzində könüllü olaraq vətənə qayıtdıqları təqdirdə 5300 avro ödəniləcək.

İdarənin mətbuat xidmətindən verilən məlumata görə, ödənişi almaq üçün miqrantlar 30 gün ərzində ərizə verməlidirlər. 

Ərizə daha gec təqdim olunarsa, ödəniş 2000 avro olacaq. Yeni qayda 2024-cü il yanvarın 1-dən qüvvəyə minəcək.

Mürtəza
Ölkə.Az