Bakıdakı yenilik tıxacı artıracaq? - Sürücülər yollarının daraldığını düşünür - VİDEO
Paytaxtın mərkəzi küçələrində velosiped yollarının salınmasına başlanılıb. Bu yenilik isə paytaxt sakinləri arasında fikir ayrılığına səbəb olub.
Bir sıra sürücülər bu kimi zolaqların yolları daratldığı və tıxacları artırdığı qənaətindədir. Bəziləri isə əksinə alternativ nəqliyyat vasitələrinə marağın artmasının tıxacları azaldacağını düşünür.
“Ulduz” taksi şirkətinin sahibi Emin Əlizadə “Ölkə.Az”a açıqlamasında bildirdi ki, zolaqlar tıxacları artacaq, sərnişinlərin ünvana çatdırılması çətinləşəcək.
Nəqliyyat sahəsi üzrə ekspert Yasin Mustafayev isə əksini düşünür və zolaqların tıxacların aradan qaldırılması üçün çıxış yolu olduğunu deyir.
Bir digər ekspertimiz İlqar Hüseynli isə deyir ki, velosipedlərdən istifadə stimullaşdırılmalıdır.
Nəqliyyat sahəsi üzrə ekspert Rauf Ağamirzəyev bəzi təkmilləşmələrə ehtiyac olduğunu bildirib.
Ekspert Bakı kimi əhali sıxlığının olduğu şəhərdə tıxacların aradan qaldırılması üçün ictimai nəqliyyat çeşidinin artırılmasının, tramvay və trolleybusların yaradılmasının zəruri olduğunu qeyd edib. Velozolaq isə şəhər mühitinin dəyişdirilməsinin ilkin mərhələsidir.
