Evlilik təklifi və aldığı cavab dünya mediasında viral oldu - FOTO

İtaliyanın paytaxtı Romada sevgilisinə evlənmə təklifi edən gənc məyus olub.

Ölkə.Az xarici KİV-ə istinadla xəbər verir ki, gənc qadın təklifə "yox" deyib.

Belə ki, Romanın tarixi küçələrində gəzən cütlük axşam saatlarında səyyar müğənninin yanından keçiblər. Bu zaman qız rəqs etməyə başlayıb. Oğlan qəfildən diz çöküb və cibindən üzüyü çıxararaq qıza evlilik təklifi edib. 

Ətrafdakıların maraqlı baxışları ilə davam edən həyəcan qısa zamanda kabusa çevrilib.

Gənc qadın “Biz bura buna görə gəldik?” deyib. Sevgilisi dərhal cavab verir: "hə, yoxsa yox?"

Gənc qadın evliliyə hazır olmadığını söyləyir.

Həmin an ətrafdakılar italyanca “hə” deyə qışqırıb.

Sosial mediada milyonlarla insanın izlədiyi görüntü dünya mediasında da böyük səs-küyə səbəb olub.

Günay