Avropa fəlakətlə üz-üzə: sel şəhərləri vurdu, böhran riski yarandı - VİDEO

Son günlərdə Şimali Avropada yağan güclü yağışlar bir sıra ölkələrdə ciddi fəlakətə yol açıb. Güclü yağışlar çayların daşmasına səbəb olub ki, bunun da nəticəsində yaşayış məntəqlərinə ciddi ziyan dəyib.

Ölkə.Az “Euronews”a istinadən xəbər verir ki, daşqınlar nəticəsində Almaniya və Hollandiyaya daha çox ziyan dəyib. Reyn çayının suyunun səviyyəsi qalxıb. Bir sıra ərazilər, o cümlədən kənd təsərrüfatı sahələri su altında qalıb. Sinoptiklər xəbərdarlıq edirlər ki, vəziyyət daha da pisləşə bilər. Fermerlər pis hava şəraitinin kartof və şəkər çuğundurunun yığımına mənfi təsir göstərəcəyindən ehtiyat edirlər.

İyssel çayının daşma ehtimalı böyükdür. Çay daşarsa, o zaman Hollandiyanın Deventer, Züthpen, Arnhem kimi şəhərləri su altında qalmaq təhlükəsilə üzləşəcək.

Güclü yağışlar Almaniyanı da vurub. Ölkənin şimalında su basmış ərazilərdə vəziyyət gərgin olaraq qalır, baxmayaraq ki, meteoroloqlar ən pis vəziyyətin arxada qaldığını deyirlər. Bir sıra rayonlarda yüzlərlə insan təxliyə edilib. Bremendən bir qədər aralıda Vezer çayı öz sahillərini aşıb. Onun eni bəzi yerlərdə bir kilometrə çatırdı. Şəhər kənarındakı evləri və təsərrüfatları su basıb. Almaniyada daşınlar yaşayış məntəqlərinə ciddi ziyan vurub. Daşqınlar bir sıra evləri yuyub aparıb.

Pis hava şəraiti Norveçdə də öz fəsadlaırnı göstərməkdədir. Burada yolların buz bağlaması nəticəsində çoxsaylı yol-nəqliyyat hadisələrinə səbəbə olub. Yollarda hərəkət etmək mümkün olmadığından çox sayda insanlar yollarda qalıb. 

Ekstratropik siklonun Şimal dənizi üzərindən şərqə doğru irəliləyərək bazar günü səhər Skandinaviyanın cənubuna çatacağı proqnozlaşdırılır.

Mürtəza
Ölkə.Az