Daha bir tarixi abidəyə edilən müdaxilənin qarşısı alındı - FOTO

Bakı şəhəri, Səbail rayonu, Yusif Məmmədəliyev küçəsi 21 ünvanında yerləşən 3350 inventar nömrəli yerli əhəmiyyətli memarlıq abidəsinə müdaxilə olunduğu aşkar olunub.

Bu barədə Ölkə.Az-a Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətindən məlumat verilib.

Xidmətin Bakı Regional İdarəsinin əməkdaşları tərəfindən yol verilmiş müdaxilə faktının qarşısı alınıb. Tarixi abidənin birinci mərtəbəsində, fasad hissəyə bərkidilmiş əlüzyuyan çanaq sökülüb.

Yol verilmiş qanun pozuntusu ilə bağlı obyekt sahibinə xəbərdarlıq edilib.

Bir daha vətəndaşlarımızı mədəni irsin qorunmasına həssas yanaşmağa çağırırıq.