\"Xoruzlanmaq müstəqillik deyil, veyillənib özlərini satırlar\" - Bəhruz Məhərrəmov

Müstəqillik tariximizi təhlil etsək, səmimi şəkildə deyə bilərik ki, 2023-cü ildə nəhayət biz bütün prinsipial konstitusion niyyətlərin realizəsini başa çatdıra bilmişik. 

Ölkə.Az xəbər verir ki, bunu Milli Məclisin bu gün keçirilən iclasında deputat Bəhruz Məhərrəmov bildirib. 

O qeyd edib ki, 7 fevral növbədənkənar prezident seçkiləri, əslində, həm də dövlətçilik tariximizin yeni inkişaf mərhələsinə keçid olacaq.
 
"Hakimiyyətə münasibətdə ucuz tənqid, yaxud sosial mediada xoruzlanmaq müstəqilliyin göstəricisi ola bilməz. Hər bir cəmiyyətdə ən müstəqil şəxslər elə dövlətinə arxalanan adamlardır. Bu gün ya Avropada kiminsə qucağında oturub, ya da Bakıda çiynində çantası səfirliklərin ətrafında veyillənərək özünü xarici ölkələrə satır. 

İndi 2024 yeni başlanğıcdır, bizim üçün təməlində böyük uğurlarımızın, zəfərlərimizin dayandığı milad ilidir, arınmaq ilidir. Şansdır, arınsınlar təmizlənsinlər bu çirkabdan və qalibiyyətin çətiri altına yığışsınlar”, - deputat bildirib.

Mürtəza
Ölkə.Az