Yaponiyada dəhşət: İçərisində 300 nəfərin olduğu təyyarə partladı - YENİLƏNİB (VİDEO)
“Japan Airlines” aviaşirkətinə məxsus sərnişin təyyarəsinin Haneda hava limanının uçuş-enmə zolağında Sahil Mühafizə Xidmətinə məxsus təyyarə ilə toqquşması nəticəsində azı 17 sərnişin xəsarət alıb.
APA xəbər verir ki, bu barədə NHK məlumat yayıb. Bildirilib ki, yanğının söndürülməsi məqsədilə əraziyə 100-dən çox yanğınsöndürən maşın cəlb edilib. Qeyd olunub ki, qəzaya uğrayan Sahil Mühafizə Xidmətinə məxsus təyyarənin 6 ekipaj üzvündən 5-i həlak olub, hava gəmisinin kapitanı isə ağır xəsarət alsa da təyyarəni tərk edə bilib.
Məlumata görə, Sahil Mühafizə Xidmətinə məxsus təyyarə hadisə zamanı Niiqata prefekturasında zəlzələ qurbanlarına yardım üçün uçmalı idi.
Qəza səbəbilə Haneda hava limanında uçuşların çoxunun ləğv edildiyi bildirilir.
***
Yaponiyada təyyarə yanıb.
Ölkə.Az “milliyet”ə istinadla xəbər verir ki, Yaponiya Hava Yollarına məxsus sərnişin təyyarəsi eniş zamanı yanıb.
Təyyarənin uçuş-enmə zolağına enərkən tamamilə alova təslim olduğu və partladığı anlar anbaan kameralara düşüb. Tokio Yanğınsöndürmə İdarəsinin verdiyi açıqlamada uçuş-enmə zolağında iki təyyarənin toqquşduğu bildirilib. Yaponiya mediası da təyyarənin göyərtəsində 300 sərnişinin olduğunu yazıb.
Məlumata görə, sərnişinlər təxliyə edilib.
Billurə
