Rusiya xaricdən niyə ballistik raket alır - Detallar
Rusiya Ukraynanın hava hücumundan müdafiə sistemlərindən daha yaxşı yan keçən xarici ballistik raketlərin alışını artırıb.
Ölkə.Az xəbər verir ki, bu barədə ISW-nin hesabatında deyilir.
Hesabatda deyilir ki, son vaxtlarda Rusiyanın xaricdən ballistik raket alışının artımı müşahidə edilməkdədir.
Rusiya tərəfi Ukrayna şəhərlərinə zərbələr endirmək üçün mütəmadi olaraq qısa mənzilli ballistik raketlərdən istifadə edirlər, çünki bu sursatlar hava hücumundan müdafiə sistemlərindən daha yaxşı yan keçir.
ISW analitikləri etiraf ediblər ki, ruslar Ukraynaya qanadlı raketlər və PUA-larla birlikdə ballistik raketlərlə hücum etməklə “nisbi uğur” əldə ediblər. Onların fikrincə, bu, Rusiyanı xarici raketlərin alışını artırmağa sövq edə bilər.
ISW əmindir ki, Rusiya müdafiə sənayesi bazası Ukraynaya müntəzəm kütləvi zərbələr endirmək üçün tələb olunan miqyasda ballistik raketlər istehsal etmək iqtidarında deyil.
Hesabatda həmçinin qeyd olunur ki, Rusiyanın xaricdən aldığı ballistik raketlər müəyyən şərtlər daxilində bu raketlər Ukraynadakı hədəfləri vurmaqda daha effektiv olur və buna görə də daha çox xaricdən raket almağa çalışır.
Rusiyanın xaricdən ballistik raketlər almasını şərtləndirən əsas iki səbəb var. Birincisi, Ukraynanın hava hücumundan müdafiə sistemlərindən daha yaxşı yan keçməsi, ikincisi isə hədəflrəi daha yaxşı vurmaq.
Bu yaxınlarda “The Washington Post” yazıb ki, Rusiya artıq Şimali Koreyanın təchiz etdiyi raketlərlə Ukraynanı atəşə tutur. Bu məlumatı ABŞ Milli Təhlükəsizlik Şurasının sözçüsü Con Kirbi də təsdiqləyib.
Mürtəza
Ölkə.Az
