Anar Nağılbaz da deputatlığa namizəd oldu?
Azərbaycan repinin banisi Anar Nağılbaz sosial şəbəkələrdəki bəzi səhifələrdə deputatlığa namizəd olması barədə yayılan söz-söhbətə münasibət bildirib.
Tanınmış repçi Ölkə.Az-a açıqlamasında deyib ki, deputat olmaq fikri yoxdur. O, atası, keçmiş deputat Rizvan Cəbiyevin də bu barədə düşünmədiyini dilə gətirib.
Əməkdaşımızın "yenidən repə qayıtmağınız mümkündürmü" sualına Nağılbaz belə cavab verib:
"Hazırda ibadət edirəm və yalnız ailəm haqda düşünürəm. Ona görə də rep mənimçün arxa plandadır. Ancaq ola bilər ki, nə vaxtsa dost-tanış məclisində rep deyim. İndilikdə bu mümkün deyil".
Nağılbaz dolanışığı barədə də danışıb. Ancaq hazırda hansı işlə məşğul olduğunu açıqlamaq istəməyib:
"Yaxın dost-qardaşlarımızın yanındayıq. Şükür, pis dolanmırıq".
İntiqam VALEHOĞLU
Ölkə.az