Beriyadan ŞOK etiraf: Bəli, müsavatçıların əks-kəşfiyyatında çalışmışam

Uzun müddət SSRİ-ni idarə edilməsində əsas sütunlardan biri və Stalinin ən yaxın silahdaşlarından hesab edilən Lavrenti Pavloviç Beriyanın 1918-1920-ci illərdə Azərbaycan Xalq Cümhuriyyəti ilə əlaqələri ortaya çıxıb. Onun AXC ilə əməkdaşlığı məlum olub.

Ölkə.Az-ın araşdırması zamanı Beriyanın AXC ilə əməkdşalığı barədə ciddi şokedici faktlar ortaya çıxıb.

Ümumiyyətlə, onun tərcümeyi-halında bu günə qədər fərqli fikirlərlə dolu bir çox epizodlar mövcuddur. Onlardan biri də Beriyanın 1918-1920-ci illərdə Azərbaycan Xalq Cümhuriyyəti ilə əməkdaşlığının olmasıdır.

Belə ki, onun tərcümeyi-halında AXC-nin əks-kəşfiyyat xidmətində çalışması barədə məlumatlar yer alıb. 20 yaşlı Beriya AXC əks-kəşfiyyat xidmətinə daxil olub və təxminən 6 aya yaxın orada xidmət edib. Özü bunun partiyanın göstərişi ilə olduğunu desə də, bəzi tarixçilər onun şəxsi təşəbbüsünün olduğunu deyirlər. Yeri gəlmişkən, həyatında son ittihamlar irəli sürüləndə bu epizod ona xatırlanıb. Onun məhkəmədə dediyi sitat gətirilir: “Mən uzun müddət müsavatçıların əks-inqilabçı kəşfiyyat idarəsində xidmətimi gizlətmişəm, lakin bəyan edirəm ki, hətta orada xidmət edərkən belə, zərərli heç bir iş görməmişəm”.

Mürtəza
Ölkə.Az