Cənubi Koreyadan it əti ilə bağlı qadağa

Cənubi Koreya parlamenti bu gün it ətinin yeyilməsini və satışını qadağan edən qanun layihəsini qəbul edib.

Ölkə.Az xarici KİV-ə istinadla xəbər verir ki, hakim partiyanın təklif etdiyi layihə tək palatalı parlamentdə 208 səs çoxluğu ilə qəbul edilib.

Məqsədinin "itlərin istehlakını aradan qaldırmaq" olduğunu bildirən qanunvericilik üç illik güzəşt müddətindən sonra qüvvəyə minəcək. 

İtlərin yetişdirilməsi və kəsilməsi üç ilə qədər həbs və ya 30 milyon von (22,800 dollar) cərimə ilə cəzalandırılacaq. Qanun layihəsində it ətinin yeyilməsi ilə bağlı hər hansı cəza nəzərdə tutulmayıb.

Qeyd edək ki, Prezident Yoon Suk Yeol dövründə qadağaya dəstək artıb. Belə ki, onun yoldaşı 6 it və 8 pişiyə sahibdir.

Günay