Bizə görə küçələr itlə doludur

Hüquq müdafiəçisi Sahib Məmmədovun küçə heyvanlarına qayğı göstərən hər kəsə təşəkkür edib.

Ölkə.Az xəbər verir ki, onun bu paylaşımını dəstəkləyənlərlə yanaşı, küçədə sahibsiz itlərin çox olmasından gileylənən və tədbir görülmədiyini yazan da olub.

Sosial şəbəkə istifadəçilərindən biri isə küçə heyvanlarını Çinə satmağı təklif edib:

"Küçə heyvanı nə qədər olar? İt sürüsü Bakını, qəsəbələri basıb, "abad şəhər" deyilən yerdə sürü ilədir. Onları yığıb Çinə və ya digər it yeyilən ölkələrə ixrac etmək olmazmı?

Azərbaycanda idxal ixracı dəfələrlə üstələyir. Nəsə ixrac edək də. Axşam oldu hürüşmə başlayır. Səhər tezdən işə gedərkən dəhşətdir. İt sürüsünü keçib gedənə kimi sarılıq tuturuq".

Hüquqşünas isə deyib ki, küçədə heyvanların çox olmasına görə məsuliyyət biz insanların üzərindədir:

"Ona görə də onları ixrac yox yedirdirmək, kastratsiya etmək, peyvəndləşdirmək və yenidən küçələrə buraxmaq lazımdır", - deyə S.Məmmədov yazıb.