General atəş açdı: Paşinyanı və Arayiki söydü, döyüb tutdular – Qarabağla bağlı şok olay
Nikol Paşinyanı, Arayik Harutyunyanı təhqir edən, Arayikin qardaşı Armen Harutyunyanla dava edib ona qarşı silah işlədən erməni general-leytenant həbs edilib.
Ölkə.Az xəbər verir ki, Ermənistan məhkəməsi Baş Qərargah rəsinin sabiq müavini general-leytenant Tiran Xaçatryan xuliqanlıqda ittiham olunaraq barəsində həbs qətimkan tədbiri seçilib. Təqsirləndirilən yüksəkçinli zabit həbsi ilə bağlı qərardan Apellyasiya Məhkəməsinə şikayət verməyə hazırlaşır.
Erməni mediasının yazdığıan görə, onun həbsinə səbəb qarabağlı erməniyə məxsus restoranda general Xaçatryan Baş nazir Nikol Paşinyan və Arayik Harutyunyanın Qarabağla bağlı mövqeyini kəskin tənqid edib və onların ünvanına təhqiramiz ifadələr işlədib. Bu zaman orada olan Arayikin qardaşı Armenlə general arasında ciddi mübahisə düşüb. Vəziyyət hətta dava-dalaş səviyyəsinə qalxıb, lakin restoranda olanlar bunun qarşısını alıblar. Mübahisə edən tərəflər məsələni restorandan kənarda "həll etməyə" qərar veriblər. Onlar növbəti gün kənar bir yerdə görüşüblər.
Arayikin qardaşı Armen görüşə yaxın dostları ilə gəlib və aralarında yaranan mübahisə davaya çevrilib. Belə ki, Armen və onun dostları Xaçatryana hücum edib onu döyməyə başlayıblar. Bu zaman general üzərindəki tapançadan atəş açıb. Nəticədə 1977-ci il təvəllüdlü bir şəxs yaralanıb və o, xəstəxanaya yerləşdirilib. Bundan sonra dava səngiyib. Davadan sonra Arayikin qardaşı polisə şikayət edib və nəticədə Tiran Xaçatryan saxlanılıb. İrəvan məhkəməsi erməni generalı xuliqanlıqda ittiham edərək barəsində həbs qətimkan tədbiri seçib. Xaçatryan indi məhkəmənin qərarını əsassız hesab edərək apellyasiya şikayəti verməyə hazırlaşır.
Mürtəza
Ölkə.Az
