Ən-Nusra lideri Talibana səsləndi: Ruslara qarşı birləşməliyik!

Cəbahat ən-Nusra"nın ideoloqlarından olan ilahiyyatçı alim doktor Abdullah əl-Müheysini Talibana müraciət edib.

Ölkə.az xəbər verir ki, səudiyyəli din alimi Talibanı ruslara qarşı Suriya mücahidləri ilə birləşməyə çağırıb. Ahtar Məhəmməd Mənsura ünvanlanmış müraciət İslam ümmətinin birliyindən danışılıb.

"Ey Molla Ömərin xələfi, sənə salam olsun! Bütün Taliban igidlərinə salam olsun! Suriyalı qardaşlarınız sizə dua edir. Siz ruslara unutmayacaqları bir dərs verdiniz. İndi isə ruslar Suriyadakı mücahidlərə hücum etdilər. Biz də onlara Suriyada unutmayacaqları böyük sürpriz hazırladıq. İşğalçı ruslara müsəlmanların tək bədən, tək vücud olduğunu göstərəcəyik", Ən-Nusra Cəbhəsinin ideoloqunun Taliban liderinə və taliblərə ünvanlanmış müraciətində belə deyilir.

Xatırladırıq ki, 30 sentyabr tarixindən Suriyada hərbi əməliyyatlara başlayan Rusiya Əsədə qarşı döyüşən bütün qruplara zərbələr endirməyə davam edir. Artıq bir çox qruplar aralarındakı ədavəti kənara buraxıb ruslara qarşı birləşirlər.

Ölkə.az