"Facebook"dan "Like" yeniliyi

Növbəti yenilik

Ölkə.Az xəbər verir ki, məşhur “Facebook” sosial şəbəkəsi “bəyəndim” ("Like") düyməsinin imkanlarını genişləndirir.

“Bəyəndim” düyməsinin yeni versiyası "Reaksiya" ("Reaction") adlanacaq və müxtəlif emosiyaları özündə əks etdirəcək. İstifadəçilər paylaşımlara daha emosional cavab verə biləcəklər. Burada "Like" düyməsi ilə yanaşı həm də sevgi, gülüş, təbəssüm, sürpriz və əsəbi ifadə edən xüsusi işarələr yer alacaq.

Oktyabr ayının 9-dan etibarən sınaq məqsədilə İspaniya və İrlandiya "Facebook" istifadəçiləri yeni versiyadan istifadə etmə imkanı qazanacaqlar.

Xatırladaq ki, "Facebook" sosial şəbəkəsində profil fotosu yerinə qısa videoçarx yükləmək mümkün olacaq.

Sentyabrın ortalarında "Facebook"un qurucusu Mark Zukerberq "dislike" funksiyasının tətbiq olunacağını bildirmişdi.

Ölkə.Az