Qəzaya uğrayan təyyarədən 1,2 milyon dollar oğurlandı
Əfqanıstanda qəzaya uğrayan Rusiyaya məxsus "Falcon 10" təyyarəsindən 1,2 milyon dollar oğurlanıb.
“Lenta.ru” bu barədə “Hasht e Subh” qəzetinə istinadən məlumat yayıb.
Məlumata görə, qəzaya uğrayan təyyarəyə ilk olaraq Taliban silahlı qüvvələri çatdığı üçün oğurluqda şübhəli bilinir.
Talibanın Bədəxşan qubernatoru Məhəmməd Əyyub Xalid qəzaya uğrayan təyyarədə baş verənləri araşdırmaq üçün komissiya təyin edib.
Hələlik nə "Taliban" nümayəndələri, nə də Rusiya rəsmiləri bu xəbəri şərh ediblər.
Xatırladaq ki, yanvarın 20-si şənbə günü axşam Əfqanıstanın hava məkanında (Tacikistan sərhədi yaxınlığında) Rusiya Federasiyasının mülki təyyarələrinin dövlət reyestrində qeydiyyatdan keçmiş "Falcon 10" təyyarəsi əlaqəni dayandıraraq radar ekranlarından itib.
Günay
Ölkə.Az
